नामाचिया बळें कैवल्यसाधन ...
नामाचिया बळें कैवल्यसाधन । उगेंचि निधान हाता चढे ॥१॥
जाणोनि हें वर्म भक्त भागवत । राहिलों निवांत प्रेमबोधें ॥२॥
कोण जपतप वाहे हें काबाड । म्हणती अवघड या रे नाचों ॥३॥
उघड समाधि हरिकथा सोहळा । नरनारी बाळां लहानथोरां ॥४॥
छंदें वाहती टाळी गाती नामावळी । जयजयकारें होळी दहनदोष ॥५॥
येणें ब्रम्हानंदें दुमदुमिलें जग । सुलभ हा मार्ग सांपडला ॥६॥
तुका म्हणे हरिभक्तीचा उल्हास । आणिलासे त्रास यमदूतां ॥७॥