बोलविला देह आपुलेनी हातें...

 

बोलविला देह आपुलेनी हातें । हुतासिली भूतें ब्रम्हा अग्नि ॥१॥

येक वेळ केलें सकळ कारण । आतां नारायण नारायण ॥२॥

अमृतसंजीवनी निवविली खाई । अंगें तया ठायीं हारपलीं ॥३॥

एकादशी केलें जाग्रण उपवास । बारावा दिवस भोजनाचा ॥४॥

अवघीं कर्में केलीं क्लशस्फोटापाशीं । संबंध एकेंसी उरला नामा ॥५॥

तुका म्हणे आतां आनंदी आनंदु । गोविंदीं गोविंदु विस्तारला ॥६॥

comments powered by Disqus