होउनी निश्चित हरुनियां चि...
होउनी निश्चित हरुनियां चिंता । मग जाईं एकांता भजन करीं ॥१॥
संसार संभ्रमें आशा लागे पाठी । तेणें जीवा साठी होइल तुझ्या ॥२॥
सेखीं विषयसंगें अवघा नाडसील । मागुता पडसील विषयडोहीं ॥३॥
शरीर सकळ मायेचाचि बांधा । यासी नाहीं कदा आराणूक ॥४॥
करिती तडातोडी अंतर्बाह्यात्कारीं । ऐसे जाती चारी दिवस वेगीं ॥५॥
मोलाची ते घडी अजते वायांवीण । न मिळे मोल धन देतां कुडी ॥६॥
जागा होईं करीं हिताचा उपाय । तुका म्हणे हाय करिसी मग ॥७॥